بنت تحكي قصتها مع اعز واوفى صديقة>>القصـــة حزينــة جــــدا

السلام عليكم ورحمة الله وبركاتــه :)

جبتلكم اليوم وحدة تحكي قصتها مع اعز صديقة

اترككم مع القصــة:

أكتب لكم اليوم قصتي الشخصية ودموعي على خدي مع وحده من اعز اعز صديقاتي

انــا : بنت شوي فيني غرور ما اعطي اهتمام لاحد في المدرسة وشاطره في دراستي بس

ما عندي صديقات حقيقيات

رغـد : بنت محترمة وخلوقة ومودبة وشاطرة في دراستها كتيير عندها صديقات كتير والكل

يحترمها ويمدحها بس انا ما كنت احبها يمكن لاني كنت اغار من ان الكل يمدحها اكثر مني

بكثير وهي أكبر مني بسنه

باسم الله نبدأ

في ساحة المدرسة كتير ما تلتقي عيني بعين رغد هي تبتسم لي وانا اعطيها طاف ولا كاني شفتها

أو اناظرها نظرات استحقار

حتى صديقاتي كانوا يقولون لي لا تحتكين فيها لانها مو من مستوانا

أكثر من مرة حاولت تصادقني بس انا اطنشها ......وفي يوم من الايام كانو صديقاتي غايبات وانا الوحيدة اللي جاية من الشلة وجلست بلحالي فجأة لقيت رغد جالسة قدامي وتقول لي: انا اسمي رغد ممكن اتعرف عليك
أنا قلتلها : اوك وانا بعد رغد
قالت لي : لا جد وش اسمك قلت لها والله رغد
قالت :والنعم والله قلت: لها والنعم فيك
قالت :رغد ما تذكريني
انا :لا والله مين انتي ؟
قالت: انا اللي كنت معك في دار تحفيظ القران الكريم يوم كنا صغار
انا : اهاا انتي اللي في دار الذكر
قالت : اي انا تذكرتي
انا:اييي تذكرت سبحان الله الدنيا صغيرة
قالت : اي والله وسولفنا شوي عن ايام زمان بعدين كل وحدة راحت بيتها
يمكن تستغربون شوي شلون على طول وافقت اكلمها وانا المغرورة اللي مو اي احد اكلمه ابي اقول لكم شي رغـد بنت طيوبة وتدخل القلب بسررررعة علشان كذا انا حسيت نفسي حبيتها ولذلك كلمتها وصادقتها

مرت الايام وانا ورغد نتقرب من بعض اكثر واكثر اما صديقاتي القديمات بديت ابعد عنهم مع الايام صرت متواضعة احب الكل واحس ان الكل يحبني حسيت رغد قلبت حياتي فوق تحت لدرجة اني صرت ما ارجع البيت الا وانا مكلمتها ومسولفة معها اليين قايلين بس

وشوي شوي بديت اموت على رغد ما صرت افارقها الا لما تكون مع وحده من صديقاتها حبيتها وحبيتها من كل قلبي
رغد كانت متدينة شوي فكانت دايم تحب تتكلم عن الدين وانا استفيد حبيتها وحبيت كلامها وحبيت همساتها وصوتها اللي صار ما يفارقني >>يمكن تقولون اني بالغت شوي بس والله ثم والله اني حبيتها في الله من كل كل قلبي مرت الدراسة وجت الاختبارات ورغد تذاكر وتشجعني اذاكر معها الين جا اخر يوم في الختبارات ودعتها وداع حااار جدا جدا
وقالت لي: رغد انا وانتي بنفترق ما ابي منك ترجعين مثل زمان ما ابي اشوف التكبر والغرور في عيونك رغد تواضعي ولا تتكبرين ولا تنسين ربك وصلاتك يا رغد صلاتك
قلت لها : ابشري ولا يهمك وبنفترق اليوم على امل اللقاء السنة الجاية ان شاء الله
قالت : ان شاء الله يلا ابوي جا سلام
قلت : مع السلامه

وافترقنا وما تكلمنا ابد طـــــــــــــول الاجازه ما ادري عنها شي ولا تدري عني شي

بدت الدراسة وامس اول يوم دورتها في كل المدرسة وما لقيتها وجا اليوم الثاني اللي هو اليوم جا ويا ليته ما جا حتى اليوم دورتها وما لقيتها وفي الصرفة جت عندي وحده من صديقاتها شكلها كان كنها باكية قالت لي: وش اسمك؟
قلت : رغد قالت : انتي تعرفين رغد الـ...... قلت لها ايه هاذي صديقتي
قالت : رغد يوم الجمعة اللي فات ماتت انا من الصدمة جلست اضحك زي المجنونة ويوم سكت قلت: انتي وش تقولين شلون يعني ماتت شلون يعني ماتت؟؟
قالت : يوم الجمعة يوم خلصت صلاة نامت وما قامت ..................انا انجنيت تدرون شيعني ماتت يعني ما بشوفها بعد اليوم يعني خلاص رغد بح ما عاد فيه شي اسمه رغد جلست على الارض وجلست ابكي واليوم بكيت بكا ما بعده بكا وبعض صديقاتي الصالحات يهدوني ويوم سكت وهديت ناظرت فيهم و ابتسمت ابتسمت ابتسامة كبيرة لا نها ماتت على عمل صالح ماتت لكن بعد صلاة ماتت والكل باذن الله راضي عنها الله يرحمها ويغمد روحها الجنه والتقي معها في جنات الفردوس الاعلى واياكم باذن الله

ترا انا من رجعت البيت وانا ابكي هذي رغد اللي مستحيل انساها طول ما انا عايشة رغد صديقتي
واختي واكثر من اختي بعد الله يرحمها .

الله لا يفقدكم عزيز وغالي يارب اللهم آمين
هذي هي قصتي مع اعز اعز صديقاتي رغد اللي لو جلست امدحها ليل ونها ما وفيت حقها الله يرحمها يا رب ويغمد روحها الجنة و يرحم جميع المسلمين يارب امين

آمين :(